நினைவாலயம்!!!: அக்டோபர் 2012

எம்மை உடலால் பிரிந்து சென்றுவிட்ட எம் தந்தையின் இறுதி நிகழ்வின் சில புகைப்படங்கள்.

எங்கே என் தந்தை?

எங்கே என் தந்தை யாரிடத்தில் கேட்பேன்

என் தந்தையில்லா உலகை எவ்வாறு இரசிப்பேன்!

காலமெல்லாம் உங்கள் முகம் பார்த்து நடந்தவன்

சில காலம் உங்கள் குரல் கேட்டு வந்தேன்

அந்தக் குரல் கூட இனி நான் கேட்காமல் ஓய்ந்ததோ?!!!

எங்கே சென்று நான் ஐயாவை தேட?

யாரிடத்தில் சென்று நான் ஆறுதலை தேட?

வீட்டு முற்றத்து மண்ணிலே விரல் பிடித்து எனக்கு

"அ"எழுதப் பழக்கிய ஐயாவே!

உங்கள் கை பிடித்து நான் நடந்த நாட்களெல்லாம்

என் நினைவில் வந்து கண்ணீராய் கொட்டுதே தன்னாலே!

எங்கே சென்று நான் ஐயாவை தேட?

யாரிடத்தில் சென்று நான் ஆறுதலை தேட?

இயலாமல் இருக்குதப்பு என்று நீங்கள் சொன்னீர்கள்-அது

முடிவாகப் போகுமென்று நான் எண்ணவில்லையே ஐயா!

எத்தனை வார்த்தைகளை என்னிடத்தில் சொல்ல நினைத்தும்

முடியாமல் உங்கள் மனதுக்குள் புதைத்தீர்களோ

என நினைத்து என் மனதும் என்னை பாடாய் படுத்துதையா!

என் கவலை எதுவெனினும் உங்களிடம் சொல்லிடுவேன்

உங்களது கவலைகளை என்னிடத்தில் சொன்னதில்லையே ஐயா!

எங்கே சென்று நான் ஐயாவை தேட?

யாரிடத்தில் சென்று நான் ஆறுதலை தேட?

விடிவொன்று வருமென் ஐயாவை காணவென

துடியாய் துடித்திருந்தேன் நானிங்கு!

அது முடியாமல் போனதுதான் ஏனையா இன்று?

என் ஐயா சுகம் பெறவே இறைவனை நான்

வேண்டி நின்றேன்,கல்லாய் இருந்து விட்டான்

இறைவனென்ற பொய்யனய்யா!

ஐயா உங்களுயிர் என்னுயிர் தானே ஐயா!

நானுமிங்கே இப்போ உயிரற்ற உடலே ஐயா!!!

எங்கே சென்று நான் ஐயாவை தேட?

யாரிடத்தில் சென்று நான் ஆறுதலை தேட?

தந்தைக்கு சமர்ப்பணம்!

தந்தை என்ற பாத்திரம் உலகில்

மிகக்காத்திரமானது,

அந்த காத்திரமான பாத்திரத்தை ஏற்று

சிறப்புடன் எம்மை வழி நடத்தியவர்

எங்கள் அன்புத்தெய்வமான எம் தந்தை

இன்று எம்மிடையே இருந்து பிரிந்து

விட்டபோதும் எம்மை வழி நடத்துவது

அவர் கொடுத்த அன்பும்,பேணிய பண்புமேயாகும்!

இன்னும் எத்தனை ஆண்டுகளானாலும்

எம் அடுத்த தலைமுறைகளும் போற்றும்

எங்கள் தந்தையை!

வெற்றியின் இரகசியம்

அன்பாயிரு அடிமையாயிராதே

இரக்கம் காட்டு ஏமாந்து விடாதே

பணிவாயிரு ஆனால் கோழையாயிராதே

கண்டிப்பாயிரு ஆனால் கோபப்படாதே

சிக்கனமாயிரு ஆனால் கஞ்சனாயிராதே

வீரனாயிரு ஆனால் பதட்டப்படாதே

தர்மம் செய் ஆனால் ஆண்டியாகி விடாதே

பொருளைத்தேடு ஆனால் பேராசைப்படாதே

உழைப்பை நம்பு ஆனால் கடவுளை மறவாதே

நினைவாலயம்!!!

இந்த வலைப்பதிவில் தேடு

செவ்வாய், 23 அக்டோபர், 2012

இறுதி நிகழ்வின் சில புகைப்படங்கள்!